今日一早行到快到局时，咦~~甘多police排对对？唔通距地都好似D餐厅甘，中意拉大队出来街度训练礼仪？！再行近D，一位女madam示意我“唔好行哩度”，甘我唯有兜出路面，费事阻住人地街训啦！

    到局门口，唔系路哦！！点解甘多阿叔阿婶，公公婆婆系局门口？！而且仲大叫口号。

哦~~原来系一班市民反映意见，秩序良好，但睇来人都唔少哦！刚好把局的大门塞满！我停左系度，仲以为唔使返工添。点知，后来先发觉有条好细的路通向门口。真系pity！无见过咩世面的我仲以为出左咩大事，唔使翻工咯！！呵呵~~~后来反映意见的行动一直持续到10点多，一个早上都是警车的响声。有D同事话，年年都有几单架啦~~唔使大惊小怪！工，就肯定要翻架啦！

   最近广州市搞创卫行动，机关单位无一幸免。

   前几日被通知今日要去做志愿者，叫我到前台领通知，点知一睇“广州市文明交通口”维持志愿者！唔使解释，大家都知系做乜啦！就系企街了！企都算啦！仲要戴埋红绸带，上面大大只字写埋“文明交通XXXXX”（唔记得啦！）不过最无奈的系要抓埋一条写住“请自觉等候到绿灯亮的时候”的黄旗仔！慌死唔人知甘！

唉~~~~我顿时一滴大汗！！于是静鸡鸡讲左句“我唔志愿得唔得啊？”“唔得啊！系领导安排架！”…………….

志愿者唔系自愿做，唯有接受现实啦！就当系一个锻炼自己的机会！做人，最紧要拿得起，放得低！

时间：17：30  地点：越华路仓边路交界  人物：我，小游

指定动作：身系红绸带，手拿黄旗子，立正

活动内容：企系度发吽豆，加偶然“fing”下支黄旗仔，再加心理活动“唔好俾熟人见到，千祈唔好俾熟人见到………..”

   由于真系十分尴尬，但又无可奈何，站系心理学角度，哩个时候，人通常会借某些事物来缓解紧张。于是我就同身边的交通督导员阿叔倾起计。阿叔话从今年4月开始一直到10月，广州市所有政府机关事业单位都要派人每天做志愿者，作为向每个单位宣传行人文明交通行为；而且仲有专人巡逻志愿情况并作记录。

我问“唔系违反交通先要罚拿旗仔咩？！”阿叔即刻话“唔系！！！而家唔罚拿旗仔啦！罚睇交通录像，而家拿旗仔D多数都系各单位D人”

阿叔仲话，如果10月份之后效果唔理想，甘参加过志愿活动的人就要再写报告，向单位再次宣传文明交通行为。真系喷血！！！

根本治标不治本！广州外地人多，素质参差不齐。宣传工作如果想有成效，似乎要不能停止甘哦！！拜托！今晚晚报话，市民提议每年由领导带头做义工，我都举双手加双脚赞成啊！加埋Fifi！

通过我观察，大部分行人都自觉或者愿意接受督导员的督导，遵守交通规则，唔冲红灯。但真系确实有那么部分市民真系唔顾个人颜面，离远就俾督导员吹晒哨子甘要距唔好冲红灯，距都系要冲；甚至唔顾个人人身安全，马路狂奔！唉~~企系一边的我，真系睇到心惊惊。顿时觉得督导员的岗位真系既平凡，又不平凡！有时甚至要俾一D唔遵守规则的人闹，真系唔公平！………..

系哩个企街过程，我发觉我内心不断系度思考，思下思下，突然觉得企街好似都无想象中甘“样衰”，甘难熬啊！睇下表，时间都过左一大半咯！

此时，身边突然有人讲“唔好冲红灯啊！如果唔系就好似甘fing旗仔架啦！”

……………..一滴大汗！真系想大声讲“阿生！！我系志愿服务咋！！唔系冲红灯啊！！”但系我都系将句话吞翻落肚。算啦~~~自己平时都冲过红灯，就当系教育啦！

 时间到啦！！拿拿声除左条烂鬼红绸带，收好支旗仔，示意小游“走得人啦！！！”

 今日真系搞笑的一天！！

不过搞笑还搞笑，我都系切身感受，奉劝大家一句“大家请文明守纪啊！”

唔该，拜托啊！！我唔想再企过街啊！！大家真系唔好再冲红灯啦！！

  向所有交通警察和交通督导员致敬！谢谢你们为我们的安全尽责！